Ultimo Noticia

Te gusta Amerpages? Síguenos!

Press

Is this your business? Claim it!

Location
Frederikstraat 100 | Willemstad, Curaçao
Email Send a message
Phone(s)
(599-9) 462-3466 and (599-9) 462-3467
Fax number(s)
(599-9) 462-6535
Mapa - Ultimo Noticia
Important This map listing was generated automatically by a geolocation service, instead by a human user. Please consider this map location as a reference.
Mensajes Recientes

R.Willems

FUGITIVOS HUMANOS.
R.Willems 1/09/2015
Ta parse manera nan ta atakando tur e playanan, kaminda sa bai pasa all-in-vakashon i releks.
Di tur parti, prinsipalmente Sur i Oropa Oriental nan ta ba...

FUGITIVOS HUMANOS. R.Willems 1/09/2015 Ta parse manera nan ta atakando tur e playanan, kaminda sa bai pasa all-in-vakashon i releks. Di tur parti, prinsipalmente Sur i Oropa Oriental nan ta basha bin Oropa Oksidental. Absolutamente nada, nada-nada por stop nan. Ni muraya, ni prikkeldraad, ni polis ku moster- lachgas por para nan. Tur stashonnan di trein ta kan-kan. Hobenan, yunan, ansianos, mama i tatanan babies, oma i opa’s, ku un tas riba nan lomba, kansà i ku hamber nan ta sigui bini. Mas nan avansá, mas tantu ta sigui sin stop. Pero di kon? Di-kon nan ta laga nan famianan atras i siegamente preferá un abentura riskante pa nan propio bida, net esun ku nan ke mehorá. Ta parse ku aki e forsa misterio di kreashon di bida, ku ta guia inkonsientemente emigrashon humano ta tuma logà. No t’asina ku tin un historia t’eksisti di: Tera Primintí (Het Beloofde Land)? Nan a bisa tambe ta kua forsa a Primintí o nan a laga esei pa imaginashon? D’otro banda, awe indudablemente tin un Rasa “Antiyana Caribeño t’eksisti, por bisa ta mesun guia humano, sea den un forma malamente komersial ku a tuma logá? Kon ke sea, un realidat no por wordu kamuflá, kual forsa o kasualidat ke ta: emigrashon humano ta bai kompañá ku hopi miseria, pena i hasta morto. Nan ta hoga na granel, muri mortonan straño di stik, pero nan ta sigi bini i nada por stop nan. Dikon? Wel, simplemente: si bo ta teme bo bida komo humano, si bo no tin un “mayan” solamente ta keda un deseo: Sobrebibi, nada mas! Un lei, sin duda, ku ta konta pa henter humanidat! Es ku konosé tal miseria i morto den su profundidat, lo sa i ta kapas di komprendé e dikon i e pasobra! I esaki ta humanidat for dje prinsipio di kreashon mes. No duda ningun momento, kada momento esei por ta bo propio destino tambe. Pais Venezuela, no leu for di nos, tambe ta pasando den skual i kuanto no ke alkansa nos Isla d’un otro o manera no ta d’importansia: pa just sobrebibi, e siguransa d’un mayan den bida, pa nos nada ápnormal komo nos no sa mehor. E moveshon pa Oropa-oksidental ta hopi serio, d’unda nan ta bini masalmente asina? T’ainda, tin grosso modo sinku routa notà: Afrika Norte-Oksidental: Marokko, Guinea i Senegal. Routa Mediteràneo oksidental: Kamerun, Algeria, Mali. Routa central Mediteràneo: Syria, Erritrea, Sahara Routa Italia Sur, Apulia i Kalabria. Routa Mediteràneo oriental: Syria, Irak, Iran, Afghanistan, Somalia. Kasimente un hende no por imaginé tal situashon, sinembargo kada momento por ta su propio destino tambe. Un solito “tornado” fuerte riba nos Isla, kargando tur inventario dje Isla enkluso habitante hiba laman den minimo di tempu, ta sufrisiente pa hika e Isla den un profundo luto pa eternidat. Nan ta kampeer na stashonnan di trein, laba nan kurpa kansá den toiletnan publiko, drumi den parkenan, muhé, homder mucha, mama i tata, yu, oma y opa, di tur edadnan. Si bo no mira, imposiblemente pa kere. Di kon nan ta bandoná tur loke nan tin, nan famianan pa Oropa-Oksidental? Esaki ta parse fenómenonan di kreashon mes ku no t’asina fasil pa komprendé logikamente. Por ta, posobra nan tambe ke un vakashon all-in, un kama kaliente, pan i un desayuno bon sortí i un bon baño kaliente? Mi no tin ningun motivo di pensa komo tal, mirando tal miseria ku mi mes wowonan dja aserka! E hendenan aki konosé e profundo miseria di guerra, di morto, di abuso, di agreshon i violensia, dia den dia afo. Luchando, nan a asepta nan parti,, konsiento di kiko e kontenido ta enserá, i netamente “esaki”, inseguridat infinito, sin ningun perspektivo ku miseria di biba den un tent, wel t’asaki nan no ke pa nan mes, korda nan yunan ku ta lantando: e seguridat ku lo tin “un mayan”. Tal grado di situashon di biba mester ta komprendibel pa henter humanidat. No ta di spera ku na frontera nan lo wordu risibí ku brasanan abrí i yamá bon-biní ofresiendo nan, pan i kuminda, un kana kaliente pa nan por sosegá e kurpa kansá. Ningun hende no mester ta eens kumi, pero laga nos no lubidá, ku ta humano nan tá, i nos tambe ta un mes humano. S’akaso ke trata for di solo interes propio, tin mester di tene kuenta: E pregunta no ta, ku nunka Korsou tambe lo yega di konosé “un miseria profundo”, pero simplemente e pregunta ta; ki-ora i ki-dia! E ora ei, nos tambe ta fugitivo gritando pa yudansa di ‘humanidat’. Awendia nos ta brigando otro malamente. E Isla konose un mentalidat destruktivo pernamente , un orgullo totalmente falsu kaminda no tin espasio pa e espíritu di solidaridat nesesario pa ser un pueblo, tantísimo abuso di poder pa falta di mehor konosemente. Hasta lagando espasio pa esnan di poder ku no ke kompartí, bandonando e Isla, no ta sufrisiente. T’aya kaminda a bai buska un futuru, nan ta molestia hende pa destruí. Un desgrasia tin di pasa pa obliga e yu-Korsounan teimos , di tur grado sosia akil, pa siña haña réspèt pa otro. Tin un mentalidat absurdo t’ainda t’ eksisti: “Ta di mi e familia e ta i t’ami ta disdí, lokual ku tin di stop awor, sea na bon o na malu!

Loading...
Amerpages.com